Маңғыстауда 100-ге жуық тұрғын кардиолог-дәрігерлерден тегін кеңес алады

20-22 маусым аралығында Маңғыстау облыстық көпсалалы ауруханасында «Ашық есік күні» өтеді. Тұрғындар кардиолог-дәрігерлерге тегін қаралып, кеңес ала алады, - деп хабарлайды аурухананың баспасөз қызметі.

Ашық есік күнінде 100-ге жуық облыс тұрғыны тегін кеңес алады деп жоспарланып отыр. Мамандар келушілерді Клиникалық-диагностикалық емханада сағат 10:00-ден 16:00-ге дейін күтеді, ал түскі үзіліс - 13:00-14:00 аралығы.

Қабылдауды жоғары мамандандырылған және біліктілігін арттырудан өткен көпжылдық тәжірибесі бар дәрігерлер жүргізеді.

Дүйсенбі, 20 маусым күні – кардиолог – аритмолог Қыдырбаев Асхат Махмұтханұлы.

Сейсенбі, 21 маусым күні - кардиолог Закарина Динара Маратқызы.

Сәрсенбі, 22 маусым күні – кардиолог Ақнұр Маратқызы Алдаберегенова қабылдайды.

Өзіңізбен бірге барлық қолжетімді медициналық тексерулерді, соның ішінде электрокардиограмманы, эхокардиографияны және т.б құжаттарды алып келесіз.

Мекен-жайымыз: 26 шағынаудан, Маңғыстау облыстық көпсалалы ауруханасы

Алдын ала жазылу үшін мына телефон нөміріне хабарласу қажет: 8 705 729 60 81.

Еске салайық, кардиологтар алғашқы белгілерді анықтап, медициналық көмекке жүгінуді ұсынады:

• жүрек немесе кеуде аймағында ауырсыну, басу, шаншу,
• жүрек соғу жиілігінің өзгеруі,
• ентігу,
• созылмалы/жиі бозару, аяқ-қолдардың ісінуі,
• мерзімді естен тану немесе естен тану алдындағы күйлер,
• бас айналу, тершеңдік, әлсіздік және т.б жиі пайда болуы.

Уақытылы диагноз қою және дұрыс емдеу аурудың алып, асқынуына жол бермейді.

Өзіңізге қамқор болыңыз, жүрегіңізді тексертіңіз!

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.