Маңғыстаулық каратэші әлем чемпионатында ІІ орын иеленді

Маңғыстаулық спортшы Райымбек Шынтай киокушинкай каратэден өткен әлем чемпионатында жүлделі ІІ орын иеленді,- деп хабарлайды mangystaumedia.kz облыстық Қоғамдық коммуникация орталығына сілтеме жасап.

Әлем біріншілігінде Маңғыстау облысынан үш спортшы бақ сынап, нәтижесінде Райымбек Шынтай күміс жүлде алды. Ол 16-17 жас аралығында 65 келі салмақ категориясында бақ сынаған.

- Райымбек 4 кездесу өткізді. Алғашқы үшеуінде қарсыластарына дес бермей, жеңіп шықты. Төртінші кездесуде өзіміздің елден барған теміртаулық спортшыға есе жіберді, - дейді спортшының жаттықтырушысы Берекет Нұрбаев.

Киокушинкай каратэден VI әлем чемпионаты 4-5 маусым аралығында Испанияның Валенсия қаласында өткен. Оған әлемнің 39 елінен 465-тен астам спортшы қатысқан.

Жарыс төрт санат бойынша әйелдер мен ерлер, жастар мен жасөспірімдер арасында әртүрлі салмақ дәрежесінде өткен.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.