Ер Қосай Құдайкеұлының жүлдесі: Маңғыстаулық дзюдошылар 10 медаль алды

Ақтау қаласында дзюдодан 2007-2008 және 2010-2011 ж.т. жасөспірім ұл, қыздар арасында «Ер Қосай Құдайкеұлы» жүлдесіне арналған XIV ашық республикалық турнирі өтті, деп хабарлайды mangystaumedia.kz сайты Қоғамдық коммуникация орталығына сілтеме жасап.

Турнирге республиканың түкпір-түкпірінен спорт төрешілері мен 600-ге жуық дзюдошы қатысты.

Жарыстың ашылу салтанатына Маңғыстау облысының дене шынықтыру және спорт басқармасының басшысы Қанат Жұмабаев, Ақтау қаласының әкімі Нұрдәулет Қилыбай, Ер Қосай Құдайкеұлы ұрпағы әрі жарыстың бас демеушісі Ордалы Қосай мен Маңғыстау облысының полиция дипартаментінің басшысы Аян Дүйсембаев қатысып құттықтау сөзін сөйледі.

Шара барысында Ер Қосай Құдайкеұлы ұрпағы әрі Маңғыстау спортының дамуына демеушілік көрсетіп, зор үлес қосқаны үшін Ордалы Қосайға шапан жауып, кұрмет көрсетілді.

Республикалық турнирдің қорытындысы бойынша 2007-2008 жылғы жасөспірім ұлдар арасындағы алтын жүлдені
38 келіде маңғыстаулық Жанарыс Марханбетов, 42 келі салмақта маңғыстаулық Нұрсәт Берекет, 46 келі салмақта Павлодар облысынан келген Таңжарық Кабен, 50 келіде Маңғыстау облысынан Диас Абыл және 55 келіде Алдияр Бекет, 60 келіде алматылық Расим Нариманов, 66 келіде маңғыстаулық Мұрат Бернияз, 73 келіде маңғыстаулық Сұлтанбек Бақтыбай мен +73 келіде Салауат Бүркітбай иеленді.

Сондай-ақ, 2007-2008 жылғы жасөспірім қыздар арасында 36 келі салмақта маңғыстаулық Камила Алтыбайқызы, 40 келі салмақта маңғыстаулық Аружан Сарсенова, 44 келі салмақта Атырау облысынан Гүлхан Шыңғысхан, 48 келі салмақта Маңғыстау облысынан Аида Мундуинова, 52 келі салмақта маңғыстаулық Алина Ямашева,
57 келі салмақта алматылық Нұрай Жеңіс, 63 келіде Қызылорда облысының спортшысы Жібек Жайсанбай мен +63 келіде Ақтөбе облысынан келген Саулемай Сагитжан республикалық турнирдің алтын жүлдегері атанды.

Сондай-ақ, «Ер Қосай Құдайкеұлы» жүлдесіне арналған республикалық турнирде 2010-2011 жылғы жасөспірім спортшы ұлдар арасында 9 салмақ, қыздар арасында 7 салмақ дәрежесінде додаға түсті. Аталған жарыс 9-11 маусым аралығында «Маңғыстау арена» спорт кешенінде өтті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.