Қара бура лақап атымен танылған маңғыстаулық спортшы Нұрдәулет Жарылғапов Өзбекстанның Джизақ қаласында өткен қазақ күресінен Азия біріншілігінде қарсыластарынан үздік шығып, чемпион болды, деп хабарлайды mangystaumedia.kz.
Нұрдәулет Жарылғапов +100 келі салмақта бірінші белдесуінде Үнді елінің спортшысын, екінші белдесуінде жапониялық спортшыны, үшінші белдесуде Тәжікстан күресшісін таза жеңіспен ұтқан.
Туған жеріне жеңіспен оралған Нұрдәулет Жарылғаповты облыстық спорт басқармасының басшысы Айбек Әсетұлы, облыстық ұлттық ойындар орталығының басшысы Қайрат Бурбасов, Қазақ күресі және дзюдо БЖСМ басшысы Қабыл Бисенқұл және басқа да спорт майталмандары күтіп алды.
Бұған дейін Қара бура «Сарыарқа батырлары» республикалық турнирінде де чемпион болған еді. Ал шілдеде «Қазақстан барысына» қатысады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
