Ақтауда жыл сайынғы «Менің елім» ұлттық автошеруі басталды

Биыл Қазақстан Республикасы аумағын аралайтын ұлттық мотоцикл жарысы қазақтың ұлы күйшісі Құрманғазының 200 жылдығына арналды, деп хабарлайды mangystaumedia.kz

Ұйымдастырушылардың айтуынша, жобаның басты ұраны: «Біз қазақстандықтар, көпұлтты елде бір-біріміздің салт-дәстүріміз бен әдет-ғұрпын сыйлап өмір сүріп жатырмыз. Отанымызды сүйеміз және оның гүлденуін тілейміз».

Бұл Қазақстандағы бірінші, жалғыз және бірегей жоба. Мақсаты – ел азаматтарын біріктіру, ұлтаралық татулық пен діни төзімділікті насихаттау, Қазақстанда ішкі және сыртқы экологиялық, танымдық, іс-шаралық және экстремалды туризмді дамыту, ашық ауада серуендеу мен салауатты өмір салтын насихаттау, қалаларды аралау және көрікті жерлермен танысу.
Жобада 9 жыл ішінде қатысушылар Қазақстан бойынша 100 мың шақырымнан астам жол жүріп, 180 күннен астам уақытын жолда өткізді. Биыл автошеру бағыты Ақтау-Атырау-Орал-Ақтөбе-Шымкент-Алматы-Өскемен-Астана-Көкшетау-Петропавл-Қостанай-Ақтөбе-Орал-Атырау бағытында жүріп, қайтадан Ақтауда аяқталады. Астана, Щучинск, Өскемен, Алматы, Тараз, Шымкент және Түркістан сияқты қалаларда мотокроссқа қатысушылар бірнеше күн демалу және экскурсия жасау үшін аялдайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.