"РАЛЛИ ҚАЗАҚСТАН-2017" Тартысқа толы ІІ этап (ФОТО)

-Құмды дөңдердегі жарыс жолы Т1 және ұлттық класс үшін қиынға соқты; -Трубинасының ақауына байланысты, ресейлік шабандоз Воктор Хорошавцевтің жарыспен қоштасуына тура келді. Сайыстың екінші күнінде Аль-Аджи үздік нәтиже көрсетті. Бірақ бірінші күні алған айыппұлына байланысты, ол алдыңғы орындарға шыға алмайды. Қазіргі қорытынды бойынша Аль-Аттия, Пшигонский және Домзала үздік үштікті сақтап тұр. -Бүгін бәрі керемет болды, бірақ бізде айыппұлға байланысты өте ұзақ ара қашықтық бар. Ралли жеңісінің ауылы енді бізге жеткізбейді. Біз 75-шақырымнан соң Нассер мен Якубты қуып жеттім. Старт басталғаннан жылдамдығым өте жақсы болған еді. Бірінші дөңде шаңды көзім шалды, ал екіншісінде оларға жақындадық. Мен Якубтың соңынан еріп отырдым, оған қолдау көрсеткім келді. Бұл өте сәтті этап деп айтар едім. Кей жерлерде су өте көп болды, сондықтан қатысушылардың жылдамдықты бәсеңдетуіне тура келді. Әсіресе, Т2 класы үшін қиынға соқты, - деп баяндады Аль-Аджи. Жарыс жолы 368 шақырымды құрады. Старт Үштаған арқылы Жаңаөзен мұнайгаз бассейнінен оңтүстікке қарай бағыт алып, финиш Кендірлі демалыс аймағынан 28.5 шақырым қашықтықта жасалды. Олардың арасында екі бақылау бекеті орналасқан. Бірі - Үштаған ауылынан 102.92 шақырымда, бірі - Жаңаөзеннен шығысқа қарай 223.22 шақырымда. Аль-Аттия және оның француздық штурманы Матье Бомель кешегі көшбасшы Пшигонскиді 3 минут, 39 секундқа басып озды. -Язид тым төменгі сатыға кетіп қалды, бірақ бүгін бәрімізден басым түсті. Менің мақсатым - сайысты сәтті өткізу. Қазір жалпы есепте бірінші тұрмыз. Бұл - біздің кішігірім жеңісіміз. Жолды бірінші рет көріп жатырмыз, оңай емес, бірақ нәтижемізді сақтап қаламыз деп ойлаймын. Мен өмірімде бүгінгідей дөңді еш жерден көрмеппін. Ерекше әсер, шабыт сыйлап жатыр, - деді финишке жеткен соң Аль-Аттия. Алғашқы этаптың көшбасшылары - польшалық экипаж жарыс жолында кедергіге тап болып, кешеуілдеуіне тура келді. Соған қарамастан, сайысты екінші болып аяқтады. -Біз жарысты бірінші болып бастадық. Бұл өте керемет әрі ұзақ жарыс күні болды. Кей жерлерде жылдамдық мүлде бәсеңдеп кетті. Дөңдер өте биік екен. Қазақстанда мұндай биіктіктегі дөңге тап боламыз деп ойламадық. Оның үстіне екі рет, тіпті үш рет дөңгелегіміз жарылды. Сондықтан 4 минуттай уақыт жоғалттық. Мәреге 40 шақырым қалғанда тағы бір дөңгелек істен шықты. Мәреге жарылған дөңгелекпен жеттік, сол үшін тағы да уақыт жоғалтып алдық. Ертең бар күшімізді салып, сәтті өнер көрестуге тырысамыз, - дейді экипаж пилоты Якуб Пшигонски. Тағы бір поляк автошабандозы Арон Домзала чеxиялық Мирослав Заплеталдан басымдығын танытып, мәреге үшінші жетті. Ал өткен жылғы этаптың жеңімпазы, жерлесіміз Юрий Сазонов екі күнде де бесінші сатыға тұрақтады. Оның ізінен тағы бір отандасымыз Ерден Шагіров келді. Жетінші болып жеткен литвалық Антона Юквеничус біздің Ерденнен сәл жылдамдығын байқатып, жалпы есепте алтыншы орынға жайғасты. Ал Катардан келген Моxамед Абу Иса сегізінші нәтиже көрсетті. Оңайлықпен еңсерілмейтін маң даланың дөңі тағы бір катарлық Адель Абдуллаға да оңай бағынбады. Соның салдарынан Сауд Арабиядан келген Язир Сейдан оның алдын орауға мүмкіндік алды. Жолдағы кедергі ҚР автомото спорт Федерациясының басшысы Марат Әбіқаевтың да жылдамдығына әсер етті. Өте көп уақыт жоғалтып, өз класы (Т2) бойынша үшінші болып мәре сызығын аттады. "Ралли Қазақстан 2017", екінші жарыс күнінің қорытындысы (ресми емес): 1. Язид Аль-Раджи (Сауд Арабиясы)/Тимо Готтшальк (Германия) Mini All4 Racing 3 сағат 55 мин 55 сек 2. Нассер Салех Аль-Аттия (Катар)/Матье Бомель (Франция) Toyota Hilux Overdrive 4 сағат 00мин 11сек 3. Якуб Пшегонски (Польша)/Том Колсул (Бельгия) Mini All4 Racing 4 часа 04 мин 46 сек 4. Арон Домзала (Польша)/Мацей Мартон Toyota Hilux Overdrive 4 сағат 06 мин 13 сек 5. Мирослав Заплетал (Чехия)/Марек Сикора (Чехия) Hummer H3 Evo VII 4 сағат 08мин 47сек 6. Антанас Юкневичус (Литва)/Дариус Вайчулис (Литва) Toyota Hilux 4 сағат 38мин 58сек 7. Ерден Шагіров (Қазақстан)/Дмитрий Цыро (Украина) Toyota Hilux 4сағат 40мин 25 сек 8. Юрий Сазонов (Қазақстан)/Виталий Евтехов (Қазақстан) Hummer H3 Evo VIII 4 сағат 41мин 45сек 9. Мохамед Абу Иса (Катар)/Ксавье Пансери (Франция) Mini All4 Racing 4сағат 42мин 47сек "Ралли Қазақстан 2017", екі күн бойынша жалпы қорытынды (ресми емес): 1. Нассер Салех Аль-Аттия (Катар)/Матье Бомель (Франция) Toyota Hilux Overdrive 6 сағат 34мин 03сек 2. Якуб Пшегонски (Польша)/Том Колсул (Бельгия) Mini All4 Racing 6 сағат 37мин 42сек 3. Арон Домзала (Польша)/Мацей Мартон Toyota Hilux Overdrive 6 сағат 41мин 55сек 4. Мирослав Заплетал (Чехия)/Марек Сикора (Чехия) Hummer H3 Evo VII 6 сағат 45мин 35сек 5. Юрий Сазонов (Қазақстан)/Виталий Евтехов (Қазақстан) Hummer H3 Evo VIII 7 сағат 21мин 10сек 6. Ерден Шагіров (Казақстан)/Дмитрий Цыро (Украина) Toyota Hilux 7 сағат 24мин 14сек 7. Антанас Юкневичус (Литва)/Дариус Вайчулис (Литва) Toyota Hilux 7 сағат 28мин13сек 8. Мохамед Абу Иса (Катар)/Ксавье Пансери (Франция) Mini All4 Racing 8 сағат 25мин 50сек Бүгін раллидің үшінші этабы. Арнайы жарыс алаңы 421 шақырымды құрайды. Старт Кендірлі демалыс аймағынан 7,6 шақырым қашықтықта бастау алды. Қатысушылар Жаңаөзен қаласының оңтүстігіне қарай бет алып, Маңғыстау даласының ойпаттарынан өтетін болады. Сенек ауылы тұсынан бұрылып, Кендірлі маңында мәре сызығын кеседі. Қазір олар сайысқа аттанды. Біз финиште күтеміз.

Теңге БЕКМҰРЗАЕВА