"Ралли Қазақстан-2017" 4-кезең! Маңғыстаулық Юрий Сазонов нәтижесін жақсартты!
[ 2017 ] 25 мамыр, 05:54 | Жаңалықтар
Сайыстың төртінші кезеңі де мәресіне жетті. Дода соңына таяған сайын бәсекелестік те артқан сыңайлы. Үздіктер қатары әр кезеңде финишті бірінші кесуге барын салып жатыр. Әзірге көшбасшылыққа талас катарлық Нассер Аль-Аттия мен польшалық Якуб Пшигонскидің арасында жүруде. Одан кейін тағы бір польшалық Арон Домзала, қазақстандықтар Юрий Сазонов, Ерден Шагиров келеді. Ал кеше және алдыңғы күндері көш бастаған Язид Аль-Раджи бұл кезеңді 15-болып аяқтады. Ресейлік экипаж, пилот - Виктор Хорошавцев, штурман - Антон Николаев көрсеткіштерін жақсартып, мәреге бесінші келді. Литва командасы жетінші сатысын әзірге ешкіммен айырбастаған жоқ. Марат және Нұрсұлтан Әбіқаев тоғызыншы болып жарыс жолын қорытындылады.
"Ралли Қазақстан-2017" төртінші кезеңінің қорытындысы:
Бұл кезеңде 19 экипаж старт жасап, барлығы бірдей белгіленген уақыттан кешікпей финишке жетті.
Енді алда екі кезең қалды. Бесінші кезеңде олар 370 шақырымды бағындыруы қажет.
Теңге БЕКМҰРЗАЕВА
https://youtu.be/qKcUPRFrQbc
1307
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
