Тимур Бектұр Маңғыстау облысы әкімінің штаттан тыс ІТ кеңесшісі боп тағайындалды, деп хабарлайды mangystaumedia.kz сайты.
Тимур Бектұр 1983 жылы Маңғыстау облысының Жетібай ауылында туған. Ақтау қаласындағы Дарынды балаларға арналған мектеп-интернаттың түлегі. Ш.Есенов атындағы Ақтау мемлекеттік университетінің инженерлік-техникалық факультетін «Есептеу техникасы және желілердің бағдарламалық және аппараттық қамтамасыз етілуі» мамандығы бойынша бітірген. Білімі – жоғары. «Болашақ» халықаралық стипендиясының иегері, Бостон университетінің магистранты.
2007 жылы «Қазақстан Темір Жолы» Ұлттық Компаниясының Маңғыстау бөлімшесінің Автоматтандырылған басқару жүйелері бөлімін басқарды.
2009-2011 жылдары Атырау қаласындағы Аджип ККО компаниясының Ақпараттық және коммуникациялық технологиялар департаментінің Ақпараттық-технологиялық тәуекелдерді басқару бөлімінде кеңесші болып жұмыс істеді.
2011 жылдан бастап Атырау қаласындағы NCPOC компаниясының Ақпараттық қауіпсіздік бөлімінде аналитик болып жұмыс істейді.
2013 жылдан бастап жеке кәсіпкер ретінде жұмыс істейді. Жастар бірлестігі жобаларымен айналысады. Атап айтқанда, оффлайн және онлайн оқыту орталығын ашып, «Timur Academy» арқылы қазақстандық жастарға заманауи қысқа мерзімді курстар бойынша мамандандырылған білім беруді дамытады.
2019 жылдан бастап РТРК «Қазақстан»-ның Интернет редакциялары бөлімінің бастығы болып жұмыс істеді және осы жылы Нұр-Сұлтан қаласында Astana IT University ашуға көмектескендердің бірі болды.
Қазақстан Журналистер Одағының мүшесі. «Mangystau Today» ақпарат агенттігінің негізін қалаушы. Қазақ тіліндегі жалғыз ІТ журналы «IT-тірлік»-тің авторы және жасаушысы. 2012 жылы Atyrau Atameken Startup Weekend қатысушысы және жеңімпазы. 2013 жылы «ҚазНет тұлғасы» ұлттық сыйлығының иегері. 2016 жылы Маңғыстау облысы «Жыл адамы» сыйлығының лауреаты. «Ақтау 55 жыл» мерейтойлық медалінің иегері. 2017 және 2018 жылдары республикалық QazForum форумының спикері, ал 2019 жылы TedX Semey спикері болды.
Қазіргі уақытта BTS Education компаниясында өнім менеджері болып жұмыс істейді және оқушылардың кәсіби бағдарын анықтау қызметі EduNavigator жобасымен айналысады.
IT сарапшы, ІТ ағартушы, жеке кәсіпкер, медиа-тренер, «Timur Academy» онлайн және оффлайн білім беру орталығының негізін қалаушы.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
