Маңғыстауда ғасыр дертіне шалдыққандардың көбі - жастар

Әр адам өз өміріне саналы көзқараспен қарайтын кез жеткен сияқты. Себебі, Маңғыстау облысы бойынша 2022 жылы - 84 науқас АИТВ инфекциясымен тіркелсе, тек биылғы жылдың басынан бері олардың саны 31 адамға жеткен. Тіркелген жағдайдың басым бөлігі жыныстық қатынас және инъекциялық есірткі тұтынушылардан анықталған. Бұл туралы облыс әкімдігінде өткен аппараттық жиында Маңғыстау облысы денсаулық сақтау басқармасының басшысы Аманбек Жұмыров мәлім етті, деп хабарлайды mangystaumedia.kz

СПИД көбіне нашақорлар мен жезөкшелер арасында кездесетіндіктен қоғамның қарсы пікіріне қарамастан, медицина мамандары оларға түсіндіру жұмыстарын жүргізіп, қажетті заттарын тегін үлестіреді. Себебі, бұл ауруды жыныстық қатынас арқылы жұқтырғанына шағым айтқан пациенттер көбейіп кеткен. Мысалы, жұқтырған ер адам инфекцияны әйеліне береді, ол әрі қарай анасы емізген кезде балаға беріледі. Осылай тізбектеліп кете береді. Мамандар ағзада сыр берместен бірнеше жыл бойы жасырын дамитын ауруға ең бірінші кезекте әркім өзі жауапты екені айтады.

- Биыл алғашқы төрт айда Ақтау қаласында 20, Мұнайлы ауданы 6, Бейнеу ауданы 3, Түпқараған ауданы 1, Қарақия ауданы бойынша 1 жағдай тіркелді. Қазір ЖИТС орталықта екі сенім пункті жұмыс істейді. Халықтың осал топтары арасында бұл инфекцияның таралуына эпидемиологиялық бақылауды ұйымдастыру жүргізіледі. Бұл әсіресе жыныстық қызмет көрсететін адамдардан таралатындықтан, солардың арасында жүргізілуде. Интимді қызмет көрсететін 100 адамның 72-сі қазір бақылауға қатысты, - дейді басқарма басшысы.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.