Ақтауда кәсіби бокс кеші өтеді

11 маусым күні Ақтауда "Adal Promotions" промоутерлік компаниясының ұйымдастыруымен кәсіби бокс кеші өтеді, - деп хабарлайды mangystaumedia.kz сайты.

Кеште маңғыстаулық Бекзат Нұрдәулетов аргентиналық Дурваль Паласиомен шаршы алаңға шығады. Бекзаттың бұған дейінгі кездесулері жеңіспен аяқталды. Соңғы рет ол ақпанда нидерландтық Чисо Квасимен шаршы алаңғы шығып, WBO Youth нұсқасы бо­йынша әлем чемпионы атанды.

Ұйымдастырушылардың айтуынша, Бекзаттың бұл жолғы қарсыласы «Бомбалаушы» деген лақап атпен танылған аргентиналық Дурваль Паласио. Ол осы күнге дейін 11 кездесу өткізіп, соның тоғызын өз пайдасына шешкен. Алты бәсекеде айқын басымдық танытқан.

Сонымен қатар 72,5 келі орта салмақта WBO International нұсқасы бойынша әлем чемпионы Мейірім Нұрсұлтанов пен аргентиналық Себастьян Орасионың шаршы алаңға шығуы басты кездесу болмақ.

Қазіргі таңда Мейірім Нұрсұлтанов әлемдік рейтингте өз салмағы бойынша 12-орында тұр. Ал Себастьян Орасио бұған дейін 21 жекпе-жекке шыққан. 18 кездесу жеңіспен аяқталса, 3 кездесуде жеңіліс тапқан.

Екінші жартылай салмақта он раундтық кездесу өткізетін 58,9 келі Бекман Сойлыбаев мексикалық Томас Рохаспен бетпе-бет келеді.

Бекман Сойлыбаевтың қарсыласы рингке 74 рет шыққан. 52 мәрте жеңіске жетіп, 34 қарсыласын нокаутқа жіберген 19 рет жеңіліп, бір бәсекені тең аяқтаған.

Кәсіби бокс кешінде тағы төрт боксшы сынға түседі. Айта кетейік, кәсіби бокс кеші "Rixos Water World" қонақ үйінің ашық алаңында сағат 21:00-де өтеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.