Ақтауда құтқарушылар катамаран мінген алты адамды құтқарды

Бүгін Ақтауда катамаранға мінген алты адам жағаға шыға алмай қалды. Оұиға туралы облыстық ТЖД-не сағат 14:30-да қоңырау түскен, - деп хабарлайды mangystaumedia.kz сайты.

Оқиға 1 шағынаудан, «Шағала» қонақ үйі маңындағы жағадан 150-200 м қашықтықта болған.

Оқиға орнына жеткен құтқарушылар 6 адамды құтқарып, жағаға шығарды. Барлығы - аман-есен. Медициналық көмекті қажет етпеді.
Облыстық ТЖД баспасөз қызметінің айтуынша, құтқаруға Ақтау қаласының Төтенше жағдайлар басқармасынан 2 қызметкер, 1 қайық жұмылдырылды.

"Дауылды ескерту жарияланғанына қарамастан, "Самурадов Ермек" ЖК жүзу құралдарын жалға беруді жалғастырып жатыр. Аталған жағдай бойынша прокуратура мен көліктік бақылау инспекциясына ақпарат жіберіледі", - деді Маңғыстау облысы Төтенше жағдайлар департаменті бастығының орынбасары, полиция подполковнигі Әбдіқадыров Бекболат Қайырбекұлы.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.