«Атамекен» ҚР ҰКП жиынында маңғыстаулық кәсіпкерлердің мәселесі талқыланды

«Атамекен» ҚР ҰКП Төралқа Төрағасы Т. Құлыбаевпен онлайн кездесуде маңғыстаулық кәсіпкерлер бірнеше мәселені көтерді, - деп хабарлайды mangystaumedia.kz МО Атамекен кәсіпкерлер палатасының баспасөз қызметіне сілтеме жасап.

Сұйытылған мұнай газы сауда-саттығын ұйымдастыру және өткізу ережелеріне өзгерістер енгізу, тариф қалыптастыру, үздіксіз энергиямен жабдықтауды қамтамасыз етуге субсидиялар бөлу жөніндегі мәселелер талқыланды.

Алдымен Өңірлік кәсіпкерлер палатасының директоры Рашит Мұстапаев атқарылған жұмыстар бойынша есеп берді. Сонан соң кәсіпкерлер сөз алды. «Маңғыстау облысының интерьер дизайнерлері және декораторлары» қауымдастығының президенті, Өңірлік кеңес мүшесі Сәуле Салихова:

«ҚазТрансГазАймақ» АҚ тарифтері сараланбаған, шағын және орта бизнес үшін қымбат. Атап айтқанда, есептеу кезінде қызметтің барлық ұйымдық-құқықтық нысандары «заңды тұлғалар» деген бір ұғымға біріктірілген, яғни ЖК тұлғасындағы шағын бизнеске орта және ірі бизнес тарифтері қолданылады. Бұл соңында өндіруші кәсіпкерлердің тауарының бағасына әсер етеді. Шағын және орта бизнес субъектілерін «заңды тұлғалар» тұтынушылар тобынан жеке топқа шығару, ол үшін орташа рұқсаттан жоғары болмайтын деңгейде тарифтер бекітілсе екен. Бұл ретте тарифтерді тоғыспалы субсидиялауда туындайтын айырма «тұрмыстық тұтынушылар» тобына ауыстыруды ұсынамын, - деді.

Ал, «AQSA» ЖШС директоры, ӨК мүшесі Бауыржан Сарыев болса, тұтынушыларды энергиямен жабдықтау қағидаларын өзгертуді сұрады. Құс фабрикасы үздіксіз энергиямен жабдықтау объектілерінің тізбесіне енгізілген. Алайда, осы құрамға кіру үшін электронды пошта арқылы төтенше бронды қамтамасыз ету қажет. Объектінің сыртқы электрмен жабдықтау сызбасы қағидалардың талаптарына сәйкес сенімділік санаты бойынша сәйкестігін тексеру керек. Талаптардың сәйкестігін тексеру айтарлықтай қаржылық шығындарды талап етеді. Бұл бүгінгі күні азық-түлік қауіпсіздігін қамтамасыз ету саласында жұмыс істейтін шағын бизнес өкілдері үшін мүмкін емес екенін атап өтті.

Мәселен, Маңғыстау облысының кәсіпкерлер палатасына құс фабрикасының иесі және отандық тауар өндіруші болып табылатын «Тұман-Шах» ЖШС басшысы жүгінді. Электр қуатына 48 мың теңге мөлшеріндегі қарызға байланысты «AllianceEnergoSnab-Aktau» ЖШС-і кәсіпорынның электр энергиясын өшіріп тастайды. Сол кезеңде кәсіпкердің жеке дизель-генераторы баламалы қуат көзі ретінде істен шығып, нәтижесінде балапандар мен инкубациялық жұмыртқалар қырылып қалған. Келтірілген шығын 2 314 тонна тауық еті. Ал авариялық бронь болған жағдайда, бұл нысан үздіксіз электрмен жабдықтау объектілерінің тізбесіне енгізілетін болады. Осы кезеңде кәсіпкер өз міндеттемелерін орындау бойынша барлық мәселелерді шеше алар еді.

"Техникалық талаптарды орындауға қаржылық мүмкіндігі жоқ кәсіпкерлік субъектілері үшін «авариялық броні бар тұтынушыларды энергиямен жабдықтау қағидалары мен шарттары» қағидаларында көзделген бизнес субъектілерінің бронь алуына мемлекеттік субсидия бөлу мүмкіндігі қарастырылса", - дейді кәсіпкер.

"Сұйытылған мұнай газын электрондық сауда алаңы арқылы саудалаудың елеулі проблемалары бар. 2018 жылғы 6 желтоқсандағы «Электрондық сауда алаңдары арқылы сұйытылған мұнай газы сауда-саттығын ұйымдастыру және өткізу қағидаларына» сәйкес сатып алу жасырын жүргізіледі. Яғни сол тұлғалар газдың барлық көлемін сатып ала алады. Бұдан басқа, бір сатып алушыға республикалық жоспардың жалпы көлемінің 10% мөлшерінде жоғары лимит белгіленген. Сонда бекітілген талап бойынша бір кәсіпкер кем дегенде 3146 тонна өнім сатып ала алады. Егер газдың барлық көлемі 100% қолданыстағы ережелер бойынша электронды сатылатын болса, онда Маңғыстау облысының барлық 316 газ бекеті банкротқа ұшырауы ықтимал. Бұл автокөлік иелері үшін қиын. Бағаның өсуі тоқтамайды. Бекеттердегі 1500 адам жұмыссыз қалады. Газды делдалмен қайта сату және басқа жағымсыз салдарларға әкеп соқтырады.
Сондықтан да Қазақстан Республикасы Энергетика министрінің 2018 жылғы 6 желтоқсандағы № 481 бұйрығымен бекітілген «Электронды сауда алаңдары арқылы сұйытылған мұнай газы сауда-саттығын ұйымдастыру және өткізу қағидаларына» өзгерістер енгізу бойынша жұмыс тобы құрылсын. Атап айтқанда: кәсіпкердің БСН/ЖСН және басқа да деректерін көрсете отырып, өңір сатып алушылары арасында қосарланған қарсы анонимдік сауда-саттықтың түрін ашық сауда-саттыққа өзгерту қажет; бір сатып алушыға сұйық отын көлемінің ең жоғары мөлшерін азайту жағын қайта қарауды ұсынамын", - деді Өңірлік кәсіпкерлер кеңесінің мүшесі Тәжімұрат Найзабеков.

Босқосуда қозғалған барлық мәселелер бойынша Үкімет деңгейінде талқыланып, тиісті шешім қабылдауға, бизнестің мүддесін қорғайтын қадам жасауға ықпал болатыны айтылды.