Маңғыстау облысында нан қымбаттады

Маңғыстау облысында әлеуметтік нан бағасы 5 теңгеге өсті. Қазір нанның бағасы – 100 теңге, - деп хабарлайды mangystaumedia.kz сайты.

Маңғыстау облысы кәсіпкерлік және сауда департаментінің сауда және баға мониторингі бөлімінің басшысы Әли Сәрсеновтың айтуынша, нан өнімдерінің бағасы ұнның қымбаттауына байланысты көтерілген.

«Алты ай бұрын ұнның 1 келісі 136 теңге болған. Соңғы 2-3 айда 144 теңгеге дейін көтерілді. Қазіргі таңда облыс әкімдігінде тұрақтандыру қорында сақталатын 1-сортты ұнның жергілікті наубайханаға беру мәселесі қарастырылып жатыр», - дейді Әли Сәрсенов.

Еске сала кетейік, жақында Шетпеде ұн шығаратын шағын цех ашылған болатын. Жеке кәсіпкер 4,5 тонна ұн шығаруды және оны Маңғыстау облысына жеткізуді жоспарлап отыр.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.