ҚР Әскери-теңіз күштерінің теңізшілері ант қабылдады

Ақтау әскери-теңіз базасының оқу-жаттығу орталығында Қарулы Күштер қатарына шақырылған матростардың әскери ант қабылдау салтанаты өтті, - деп хабарлайды mangystaumedia.kz.

Павлодар және Шығыс Қазақстан облыстарынан жасақталған 100-ден астам матрос бір айдың ішінде жас сарбаздар курсын бітірді. Оларға тәжірибелі офицерлер жас сарбаздарды даярлау бағдарламасы бойынша сабақтар өткізіп, әскери мамандықтарды үйретті. Әскерге шақырылғандар құрылымдық, өртке қарсы және дене шынықтыру жаттығуларының негіздерін үйренді.

«Әскери қызмет барысында Каспий теңізінің шекарасын күзететініме өте қуаныштымын. Бір айдың ішінде көп нәрсені үйрендік. Барлық командирге еңбектері мен шыдамдылықтары үшін алғыс айтамын», - дейді Өскемен қаласынан шақырылған матрос Кирилл Окоунков.

Салтанатты шараға қонақ ретінде әскери қызметшілердің туыстары мен жақындары, Қарулы Күштердің ардагерлері, билік және қоғамдық ұйымдардың өкілдері қатысты. Мерекелік іс-шара дәстүр бойынша сынақ шеруімен және десанттық батальон жауынгерлерінің қоян-қолтық ұрыстарын көрсетумен аяқталды. Жас жауынгерлер қару-жарақпен шеруді, сондай-ақ қарусыз және қарусыз қоян-қолтық ұрыс элементтерін көрсетті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.