Ақтауда екінші деңгейлі тұрғын үй бағасы 17,7%-ға төмендеген

©

Қазақстанда екінші деңгейлі, яғни қайталама тұрғын үй бағасы 1%-ға төмендеді. Ең төменгі баға Ақтау қаласында тіркелді, - деп хабарлайды finprom.kz сайты.

Қараша айында республика бойынша қайталама тұрғын үй бағасы бірден құлдырады. Мұндай қатты төмендеу 2016 жылдың басынан бері алғаш рет тіркеліп отыр. Өткен айда тұрғын үй нарығындағы  бағалар, керісінше, 0,2%-ға көтерілген болатын. Ал жаңадан салынған тұрғын үй бағасы керісінше 0,3% өскен.

Екінші деңгейлі тұрғын үй бағасының төмендеу нәтижесінде жаңадан салынған үйлердің бағасы көтерілген. Қараша айында жаңадан салынған үйлердің сатылымы 0,3%-ға өскен.

Қазақстан бойынша осы жылдың қараша айында қайталама тұрғын үй бағасының төмендеуі Ақтау қаласында тіркелді, қазан айымен салыстырғанда 8,5% төмендеген. Ақтау екінші деңгейлі тұрғын үй бағасы жөнінен Қазақстандағы ең қымбат үш қаланың қатарына кіреді. Дегенмен finprom.kz сайтының хабарлауынша, осы жылдың 11 айында бұрын салынған үйлердің бағасы 17,7%-ға төмендеген. Қазіргі таңда 1 шаршы метрдің құны - 266,8 мың теңге.

Үйлерінің қымбаттылығы жөнінен екінші орынды алатын Астана қаласында екінші деңгейлі үйлердің бағасы қараша айында 4%-ға төмендеп, мұндай пәтелердің құны 1 шаршы метрге 314,7 мың теңгеге жеткен.

Ең қымбат үйлер Алматы қаласында орналасқан. Мұнда бір шаршы метрдің бағасы - 340 мың теңге.

Қайталама нарықтағы ең арзан тұрғын үй бағасы Павлодар мен Сеймейде - 151,9 мың теңге және 151,4 мың теңге сәйкесінше.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.