Қарақия ауданының білім саласына маман тапшы

Аудан бойынша білім саласына 12 маман қажеттілігі бар, - деп хабарлайды mangystaumedia.kz сайты.

Аудан әкімі халық алдында есеп беру кездесуінде айтқанындай, 7 орыс тілі пәні мұғалімі, 3 дефектолог, 2 ағылшын тілі пәні мұғалімі керек. Жаңа оқу жылында мұғалімдер қатары 41 жас маманмен толығып, осы жылы білім саласында әкім гранты бойынша жоғары оқу орнын аяқтайтын мамандар қатарға қосылады деп жоспарланып отыр.

Қазіргі уақытта ауданның білім беру саласында 960 мұғалім қызмет етсе, соның 767-сі жаңартылған білім мазмұны курстарынан өткен.

Айта кетейік, былтыр Қарақия ауданының білім саласына 5 млрд теңге бөлінген.15 мектебі бар бұл аудандағы 9513 оқушы білім алып жатыр.

Махаббат НҰРЖАНҚЫЗЫ

Суретті түсірген Сәби МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.