Маңғыстау облысы бойынша балық инспекциясы басқармасы өлі итбалықтар мен балықтардың жағадан табылуы - бір күн бұрын оңтүстік-батыстан соққан қатты дауылдың салдары екенін айтты, деп хабарлайды mangystaumedia.kz.
- Олардың денесі ыдырап кеткен. Зертханалық сараптама жүргізу үшін жануарлардан сынама алынып, тоңазытқыш камераға қойылды. Сондай-ақ су мен ауа сынамалары алынды. Аталған факті бойынша экологтар мен жергілікті атқарушы органдардан бірлескен жұмыс тобы құрылып, осы ауданға зерттеу жүргізді. Тексеру барысында 64 итбалық пен бес бекіре тұқымдас балық анықталды, - деп хабарлады басқарма.
Маңғыстауда мұндай жағдай соңғы үш аптада екінші рет болып тұр. Сәуір айының соңында да 100-ге жуық итбалықтың өлгені хабарланған.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
