Құрықта балаларға арналған ойын алаңы салынып жатыр

Құрық ауылында үш балалар ойын алаңы салынып жатыр. Бұл туралы Құрық ауылының әкімі Ғабит Салихов айтты, - деп хабарлайды mangystaumedia.kz сайты ҚКО сілтеме жасап.

Сондай-ақ аталған елдімекендегі тозығы жеткен спорт алаңын қайта құрылымдау жұмыстары жүргізілуде.

Оның айтуынша, балалар ойын алаңы «Жаңақұрылыс» шағынауданы мен 9 шағынауданның арасында, 10-14 шағынаудандар аралығында және «Мамедова» көшесінде салынып жатыр.

- Мердігер мекеме - «МаңғыстауПромСтрой» ЖШС-і конкурс жеңімпазы, келісімшарт жасақталды. Балалар ойын алаңдарын салудың келісімшарт құны - 7 050 000 теңге. Сонымен қатар 3 шағынаудандағы ескі футбол алаңын қайта құрылымдау жұмыстарына «БН Капитал» ЖШС-мен 8 960 000 теңгеге келісімшарт жасақталып, жұмыстар жүріп жатыр, - деді Ғабит Салихов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.