Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Қарақия ауданы әкімі Сымбат Төретаев Мұнайшы ауылында жүзеге асып жатқан ірі инвестициялық жоба құрылысымен танысты, деп хабарлайды mangystaumedia.kz
Аудан әкімдігінің баспасөз қызметінің хабарлауынша, «Сарқылмас Қуат» ЖШС-нің жел электр станциясының негізгі жоба құны 18 млрд. теңгені құрайды. Қазіргі таңда мердігер мекеме электр қуаты 6,25 МВт құрайтын 8 жел электр қондырғысының құрылысын бастаған. Құрылыс барысында 80 адамды, тұрақты түрде 12 адамды жұмыспен қамту жоспарланып отыр.
- Ауданымызда бой көтеріп жатырған мұндай ірі жобалар жыл сайын көбеюде. Экономикамыздың қарыштап дамуы үшін, әрбір бастамаға баршамыз бір кісідей қолдау беру - біздің міндет. «Батаменен ел көгерер» - дегендей, ауқымды жобаны ел ағаларының батасымен бастаған абзалырақ,- деді аудан басшысы.
Айта кетейік, жоба бойынша барлығы 50 МВт электр қуаты өндіріліп, жел станциясын 2025 жылы ақпан айында іске қосылмақ.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.