Маңғыстаулық спортшылар Қостанайда грепплингтен өткен Қазақстан Республикасының чемпионатында 6 алтын медаль жеңіп алды, деп хабарлайды mangystaumedia.kz облыстық ҚКО-ға сілтеме жасап.
Маңғыстаулық спортшылар алты алтынмен қоса, үш күміс және он қола медаль еншіледі.
42 кг салмақ дәрежесіндегі Әлібек Серікбаев, Азамат Меңғайыр, 54 кг салмақ дәрежесіндегі Нұрдәулет Есенұлы, 62 кг салмақ дәрежесіндегі Нұрбол Құлжабаев және 76 кг салмақ дәрежесіндегі Сұңғат Сансызбаев алтыннан алқа тақты.
- Бірінші орын алған спортшылар 14-15 қазан күні Испанияның Понтеведра қаласында өтетін әлем чемпионатына қатысады. Бұған қоса, Маңғыстау құрамасы командалық есепте үздік үштікке кірді, - деді Маңғыстау облысының аралас жекпе-жектер кәсіби спорт клубының жетекшісі Нұрбек Мунлыков.
Ел біріншілігі 7-8 мамыр күні 2006-2005ж.т. жасөспірімдер мен 2004-2002ж.т спортшылардың арасында өтті. Сайысқа Қазақстанның барлық өңірінен 600-ден астам спортшы қатысты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
