Ақтауда 7 мамыр күні 9 «а» шағынауданында болған жол апатынан зардап шеккен бір науқасқа операция жасалып жатыр. Бұл туралы Маңғыстау облыстық көпбейінді ауруханасының баспасөз қызметі айтты, - деп хабарлайды mangystaumedia.kz сайты.
Жол апатынан екі науқас травматология бөліміне жатқызылды. Науқастың бірі – 1989 жылы туған. Оған сол жақ жамбас сүйегінің жабық сынығы диагнозы қойылған. Дәрігерлердің айтуынша, қазір операция жасалып жатыр.
«Ал екінші науқас 1998 жылы туған. Оған сол жақ жамбас сүйегінің ашық сынығы диагнозы қойылған. Қазіргі таңда бөлімшеде жатыр. Дәрігерлер осы апта операция жасауды жоспарлап отыр. Екі науқастың да жағдайы – бірқалыпты», - дейді облыстық аурухананың баспасөз қызметі.
Сонымен қатар 30 сәуірде 5 және 8 шағынауданның қиылысында патрульдік көлік пен Hyundai Accent соқтығысқан болатын. Жол апатынан зардап шеккен бір науқас қазір аурухананың нейрохирургия бөлімшесінде емделіп жатыр. Нейрохирург-дәрігердің айтуынша, науқастың бел омыртқасы сынған. Операция жасалды. Қазір жағдайы жақсы, өзі жүреді. Жақында үйге шығарылады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
