Қарақия ауданының спортшылары гір көтеруден Азия чемпионатында бес медаль иеленді, деп хабарлайды mangystaumedia.kz облыстық ҚКО-ға сілтеме жасап.
Қарақия ауданы әкімдігінің баспасөз қызметінің мәліметінше, спортшылар төрт алтын, бір қола еншілеген.
Чемпионатқа Құрық ауылынан аттанған Айдын Ахметов пен Бектемір Оразалы 2 алтыннан алса, Мейрамбек Аманқосов 1 қоланы қанжығалаған. Гір тасын көтеру ұзын цикл және серпе көтеру бағыты бойынша өтті.
Сонымен қатар, Өзбекстан Республикасының Самарқанд қаласында қол күресінен өткен Азия чемпионатында қарақиялық Гаухар Жаңғазы ІІІ орын алды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
