«Қазақстан Республикасындағы сайлау туралы» 1995 жылғы 28 қыркүйектегі № 2464 Конституциялық заңына сәйкес Ақтау қалалық мәслихаты Ақтау қаласының учаскелік сайлау комиссиясы бойынша бос орындар жөнінде төмендегідей хабар береді:
САЯСИ ПАРТИЯЛАР МЕН ҚОҒАМДЫҚ БІРЛЕСТІКТЕР БАСШЫЛАРЫНЫҢ НАЗАРЫНА!
Қазақстан Республикасының 1995 жылғы 28 қыркүйектегі № 2464 «Қазақстан Республикасындағы сайлау туралы» Конституциялық заңының 10 бабына сәйкес 2024 жылдың 1 - 29 қараша аралығында сағат 18.30-ға дейінгі мерзімде жоғарыда аталған сайлау комиссияларына кандидатуралар ұсынуларыңызды сұраймыз.
Осыған орай, саяси партиялар, өзге де қоғамдық бірлестіктер, олардың құрылымдық бөлімшелері және құрылатын комиссияларға қатысты жоғары тұрған сайлау комиссиялары мәслихатқа келесі құжаттарды тапсырады:
1) белгіленген нысан бойынша сайлау комиссияларының құрамына кандидатуралар туралы электрондық және қағаз форматтағы мәліметтер;
2) тиiстi сайлау комиссияларының құрамына кандидаттарды ұсыну туралы саяси партияның, қоғамдық бiрлестiктiң немесе олардың филиалдарының (өкiлдiктерiнiң) шешiмi, жоғары тұрған сайлау комиссиясының шешiмiнен үзiндi көшiрме;
3) саяси партияны, қоғамдық бірлестікті немесе олардың филиалдарын (өкілдіктерін) тіркеу туралы құжаттың көшірмесі;
4) кандидаттардың сайлау комиссиясының жұмысына қатысуға келісім беру туралы белгіленген нысан бойынша өтініштері.
Сайлау комиссияларының құрамына кандидатуралар туралы мәліметтердің нысандары, сайлау комиссияларының жұмысына қатысуға келісімі туралы кандидаттардың өтініштері мәслихат сайтында орналастырылған.
Әрбір саяси партия сайлау комиссиясының құрамына бір кандидатура ұсынуға құқылы.
Саяси партия сайлау комиссиясының құрамына осы саяси партияның мүшесі болып болып табылмайтын кандидатура ұсынуға құқылы.
Сайлау комиссиясының құрамына ұсынылатын адам Сайлау туралы Конституциялық заңның талаптарына сәйкес келуге тиіс.
Сайлау комиссиясының мүшесi Ақтау қаласында тұруға тиiс.
Мәслихатқа қағаз форматта ұсынылатын барлық құжаттарға қол қойылуы, мөр басылуы және орындалған күні, орындаушының тегі, аты-жөні және оның телефон нөмірі көрсетілген орындаушы туралы белгіні қамтуы тиіс.
Мәслихаттың орналасқан жері: Ақтау қаласы, 4 шағын аудан, 72 үй, қалалық әкімдік ғимараты, каб.№505, телефон: 336728, электрондық пошта мекенжайы: ly.suindik@mangystau.gov.kz.
Ескерту: 1) саяси партиялар жоғарыда аталған сайлау комиссияларына кандидатураларды 2024 жылдың 1 - 15 қараша аралығында сағат 18.30-ға дейінгі мерзімде;
2) өзге де қоғамдық бірлестіктер, олардың құрылымдық бөлімшелері және құрылатын комиссияларға қатысты жоғары тұрған сайлау комиссиялары кандидатураларды 2024 жылғы 16 - 29 қараша аралығында сағат 18.30-ға дейінгі мерзімде ұсынады.
Ақтау қалалық мәслихатының аппараты
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
