Ақтаулық Илдар Ягъяев стритлифтингтен Еуропа чемпионы атанды
[ 2019 ] 19 желтоқсан, 05:57 | Спорт
Жақында Мәскеу қаласында стритлифтингтен Еуропа чемпионаты өтті. Ақтаулық спортшы Илдар Ягъяев үш алтын және қола жүлдені жеңіп алды, - деп хабарлайды mangystaumedia.kz сайты Маңғыстау облысының дене шынықтыру және спорт басқармасына сілтеме жасап.
Еуропа чемпионатына Қазақстан, Ресей, Беларусь, Украина, Чехия, Эстония, Алжир, Бельгия, Италия, Польша, Испания және Ұлыбританиядан келген 195 спортшы қатысты.
Маңғыстау облысы дене шынықтыру және спорт басқармасының мәлімдеуінше, ел атынан жеті спортшы жарыста бақ сынады. Ал Ильдар Ягъяев 75 келі салмақта сынға түсті. Нәтижесінде үш алтын және қола жүлдені қанжығасына байлады. Алғашқы алтын медальды классикалық стритлифтенгтен алса, кейін турник пен брусяда тартылудан жеңіске жеткен.
Алдағы уақытта Ильдар Ягъяев Германия мен Киевте өтетін екі әлем чемпионатына қатысуды жоспарлап отыр.
Жұлдызай ҚАЛИЕВА
Сурет фейсбук парақшадан алынды
1240
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
