Маңғыстаулық дзюдошылар Бакуде оқу-жаттығу жиынын өткізіп жатыр
[ 2019 ] 23 желтоқсан, 10:58 | Жаңалықтар
Бұл туралы Маңғыстау облыстық дзюдо федерациясы айтты, - деп хабарлайды mangystaumedia.kz сайты.
Әзербайжан дзюдошыларымен біріккен оқу-жаттығу жиынына Маңғыстау облысының жастар және ересектер құрамасы қатысып жатыр. Облыстың жетекші дзюдошыларының Бакуде өтіп жатқан жаттығу жиыны 10 күнге созылмақ.
Дзюдошыларға аға бапкер Айбек Имашев пен жастар құрамасының бапкері Қайрат Бурбасов жетекшілік етіп барды.
- Маңғыстау құрамасының сапында ҚР чемпионатының жүлдегерлері Бауыржан Нарбаев пен Руслан Мусаев, ал әзербайжандық спортшылар қатарында Еуропа және Әлем чемпионатының жүлдегерлері бар. Оқу-жаттығу жиыны дзюдошылардың кәсіби деңгейлері мен тәжірибелерінің толығуына ықпал етеді, - деді МО дзюдо федерациясынан.
Жыл бойы үзіліссіз табандылықпен тер төгетін спортшылар үшін әрбір жаттығу жиынының маңызы ерекше. Жаттығу жиыны дзюдошылардың біліктіліктерін арттыру мен шеберліктерін шыңдауға бағытталған.
Махаббат НҰРЖАНҚЫЗЫ
Суреттер МО дзюдо федерациясынан
770
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
