Маңғыстаулық спортшы Азия чемпионатында қола жүлде иеленді

Темірлан Атшыбаев Әбу-Дабиде муай-тайдан өткен Азия чемпионатында ІІІ орын алды, - деп хабарлайды mangystaumedia.kz сайты Спортты дамыту дирекциясына сілтеме жасап. Темірлан Атшыбаев 16-17 жас аралығында 75 келі салмақ дәрежесінде сынға түскен. Ол жартылай финалда Ливандық қарсыласына есе жіберіп, 3-орынға тұрақтады. Жаңаөзендік Темірлан Атшыбаев ұлттық құрамаға енген Қазақстан Кубогының чемпионы, ҚР чемпионатының финалисі. 17-21 желтоқсан аралығында өткен Азия чемпионатында ұлттық құрама жалпы командалық есепте екінші орыннан көрінді. ᅠ 35 елдің спортшылары қатысқан бәсекеде қазақстандықтар 14 алтын, 3 күміс, 5 қола жүлдені жеңіп алды.