Жылдың үздік спортшысын анықтау үшін дауыс беру басталды
[ 2019 ] 15 қараша, 06:20 | Жаңалықтар
Ұлттық олимпиада комитеті «ЖАЗҒЫ СПОРТ ТҮРЛЕРІ БОЙЫНША ҮЗДІК СПОРТШЫНЫ» анықтау үшін дауыс беру науқанын бастады. Үздік спортшылардың қатарында маңғыстаулық боксшы Бекзат Нұрдәулетов (81 кг) бар.
Биыл спорт түрлерінен әлем біріншіліктерінде жүлделі орынға тұрақтаған 7 спортшы жыл үздігі атануға үмітті. Олардың қатарында дзюдошы Елдос Сметов, еркін күрес шебері Дәулет Ниязбеков, грек-рим күресінің өкілдері Мейрамбек Айнағұлов, Қорлан Жақанша, таэквондошы Қайрат Сарымсақов, ауыр атлет Игорь Сон сынды спорт саңлақтары бар.
Бекзат Нұрдәулетов 2019 жылдың қыркүйек айында бокстан есейдің Екатеринбург қаласында өткен әлем чемпионатында 81 келіге дейінші салмақ дәрежесінде топ жарды. Ол жартылай финалда 2016 жылғы Рио олимпиадасының чемпионы, әлем біріншілігінде 2011 жылдан бері қатарынан 4 рет чемпион атанған кубалық Хулио ла Крузды айқын басымдылықпен ұтып, сенсация жасаған болатын.
Дауыс беру Ұлттық олимпиада комитетінің сайтында жүргізіледі. Ол үшін
https://awards.olympic.kz/kk/award/the-best-athlete-of-the-year-in-summer-sports?fbclid=IwAR2S9gWi1zGENbO5VXUuu_jtiHFGBPydcARcQZM5lS4lk-JDRpVsyjOUkLg сілтемесіне өтіп, жерлесімізге дауыс беруге болады. Дауыс беру желтоқсан айына дейін жалғасады.
3309
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
