Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Индонезияда Жазғы Азия ойындарының кезекті жарыс күні өтіп жатыр. Бүгін Қазақстан, соның ішінде Маңғыстау жұрты үшін қуанышты күн болды. Жаңа ғана Джакарта қаласынан жерлесіміз Дархан Нортаев чемпион атанды деген сүйінші хабар жетті. Джиу-джитсудан қоржынға түскен жүлде - Қазақстан құрамасының осы Азиададағы төртінші алтыны.
-Дархан 5 жекпе-жек өткізді. Филиппин, қырғыз жəне сауд арабиялық спортшылармен кездесті. Əр қарсыласымен 5 минуттан күресіп шықты. Барлық жекпе-жегінде басымдық танытып, чемпион атанды, -дейді спортшылардың жанында жүрген МО спорт басқармасы басшысының м.а. Нұрбек Қарабалаев.
https://youtu.be/B6wQzHjSRE0-Əрине, қиын болды. Финалға дейін 5 кездесу болды. Қолдап жатқан барлық жанкүйерлеріме алғыс айтамын. Жүлдемді Қазақстанға арнаймын, себебі бізге алтын медаль жетіспей жатыр. Қуанышты болыңдар, - деп алғашқы лебізін айтты чемпион.
Жерлестерімізді жеңіспен құттықтаймыз!
Теңге БЕКМҰРЗАЕВА Суреттер мен видеоны ұсынған Нұрбек Қарабалаев
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.