Сауат ашу курсын аяқтаған қыз-келіншектер сынақтан өтті  

Маңғыстау облыс орталық мешітінің жанынан ашылған сауат ашу курсы шәкірттерінің бір тобы оқуды бітірді. Олардың білім деңгейін анықтау мақсатында үш күн қатарынан емтихан жүргізілді. Мешіттің әйел-қыздар секторының меңгерушісі Әйгерім Ахметова сүйікті пайғамбарымыздың (с.а.с) өмірінен (тест), ғибадат (тест), сенім негіздері (ауызша-жазбаша) және Құран сабағынан жатқа мәнерлеп оқуларын пысықтады. Үш айлық жүйелі дәрісті жақсы меңгерген қыз-келіншектер білімнің құндылығын түсініп, болашаққа ілім алуда табандылық танытқандарын байқатты. Сынақтан сүрінбей өткен қыз-келіншектерге әжелер ақ батасын беріп, өнегелі сөздерін айтты.

  Валентина ҚОЗЫБАҚОВА