Ақтауда «Халықты аулада қабылдау», «Жолда қабылдау» акциялары өтті

Жуырда Ақтауда ҚР Ішкі істер министрлігінің тапсырмасы бойынша ұйымдастырылған «Халықты аулада қабылдау», «Жолда қабылдау» акциялары өтті, - деп хабарлайды mangystaumedia.kz сайты. Акция аясында халық көп шоғырланатын аймақта жергілікті, көші-қон, әкімшілік полиция қызметі және Маңғыстау облыстық Полиция Департаментінің басшысы Қанат Таймерденов тұрғындар сауалына жауап берді. Бұл шара халықтың полицияға деген көзқарасын өзгертеді деп ойлаймын. Халықпен етене жұмыс жасап. Көбіне қоғамдық тәртіп, автокөліктерді заңдастыру мәселесі бойынша сұрақтар қойылып жатыр. Тұрғындар тарапынан түскен сұрақтар Министрлікке жеткізіледі», - дейді МО ПД бастығы Қанат Таймерденов. [caption id="attachment_85214" align="alignnone" width="1024"] МО ПД бастығы Қанат Таймерденов тұрғындарға жауап беруде[/caption] Акция ай сайын екі күн қатарынан өткізіледі. Халық тәртіп сақшыларына жол жүру ережелеріне және басқа да мәселелерге қатысты шағымдары мен ұсыныстарын білдірді.  «Осы шараның ұйымдастырылғанын қолдаймын. Мен бүгін полицияның белгілі бір жағдайда қандай шара қолданатынын білмекке келдім. Халық игілігіне жасалатын осындай акциялар көптеп ұйымдастырылса деймін», - дейді қала тұрғыны Перизат Иманбаева. «Жолда қабылдау», «Аулада қабылдау» акциялары Маңғыстау облысы бойынша аудан орталықтары мен қалаларда өткізілді. Сонымен қатар Полиция Департаменті  8(7292)34-30-60 колл-орталығының нөмірі белгіленгенін хабарлайды.  «Шарамыздың мақсаты – полиция мен халықтың арасында тығыз қарым-қатынас орнату. Халық осы шара барысында көкейінде жүрген мәселелер бойынша сұрақтарына тиісті жауап ала алады», - дейді МО ПД Жергілікті полиция басқармасы бастығының орынбасары Серік Айдаров.

Махаббат НҰРЖАНҚЫЗЫ

Суреттер автордан

[gallery td_select_gallery_slide="slide" ids="85216,85217"]