Дәрігерлер Маңғыстау тұрғындарына тегін консультация өткізеді

1-2 қараша күндері «ҚР Президенті Іс Басқармасы Медициналық орталығының ауруханасы» дәрігерлері маңғыстаулық тұрғындарға тегін көшпелі консультация өткізеді, - деп хабарлайды mangystaumedia.kz сайты.

Көшпелі бригаданың құрамында дәрігер-кардиохирург Талғат Жакиев, дәрігер-аритмолог Ринат Камиев және дәрігер-ангиохирург Абылай Сейткалиев болады.

Консультацияға қабылдау Маңғыстау облыстық көпбейінді ауруханада өтеді. Алдын ала жазылу бойынша телефон нөмірі – 8 777 550 25 26

Консультация алу үшін науқас жеке басын куәландыратын құжатты ұмытпауы керек. Сондай-ақ кардиохирург қабылдауына – ЭКГ, эхокардиограмма хаттамасы, коронарлық ангиография/КТ дискі және қолда бар үзінділер, зерттеулер, талдауларын, аритмолог қабылдауына – ЭКГ, холтер ЭКГ, ЭхоКГ хаттамасы және қолда бар үзінділер, зерттеулер мен талдаулары және ангиохирург қабылдауына – доплерлік ультрадыбыстық, дискілік ангиография және КТ ангиографиясы, қолда бар үзінділер, зерттеулер мен талдауларын әкелуі қажет.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.