Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгін республикалық "Қазақстан барысы" жобасының облыстық іріктеу кезеңі өтті. Облыс бойынша 14 балуан бақ сынады. Нәтижесінде бейнеулік Нұрдәулет Жарылғапов жеңімпаз атанды, - деп хабарлайды mangystaumedia.kz сайты.
Іріктеу кезеңінің ақтық сайысы "Шоғы батыр" атындағы БМЖС мектебінде барлық санитарлық талаптарға сай өткізілді. Жарыстың ашық әрі әділ өтуін "Қазақ күресі" Республикалық федерациясы мүшелері, Маңғыстау облыстық Қазақ күресі федерациясының Президенті, Маңғыстау облыстық дене шынықтыру және спорт басқармасы басшысы бақылады.
Белдесу нәтижесі бойынша 3-орын Түпқараған ауданынан келген Оразалы Төлеевке бұйырды. Ал 2-орынды ақтаулық Жасұлан Таңатов алса, 1-орын Нұрдәулет Жарылғапов "Маңғыстау барысы" атанды. Аталған жарыстың қорытындысына сәйкес, Нұрдәулет Жарылғапов пен Жасұлан Таңатов "Қазақстан барысы" республикалық жарысқа жолдама алды.
Республикалық сайыс 4 шілде күні Нұр-сұлтан қаласында өтеді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.