Токио олимпиадасында бокстан 81 келіде сынға түсетін маңғыстаулық спортшы Бекзат Нұрдәулетов алғашқы жекпе-жегін кімге қарсы өткізетіні белгілі болды, деп хабарлайды mangystaumedia.kz сайты.
Жеребе бойынша бірінші айналымда Бекзаттың қарсыласы болмады. Марокколық Мохомед Ассагир мен Имам Хатаев (Ресей) жұбымен жеңімпазымен жұдырықтасуы тиіс болатын. Кеше қос боксшы кездесіп, ресейлік Хатаев айқын басымдықпен келесі кезеңге өтті. Енді 28 шілде күні Б.Нұрдәулетов пен И.Хатаев 1/8 айналымда өзара мықтыны анықтайды. Жеңіске жеткен боксшы ширек финалға жолдама алады.
Айта кетейік, сәуір айында өткен "Санкт-Петербург губернаторының кубогы-2021" халықаралық турнирінің финалында Нұрдәулетов пен Хатаев кездесіп, Бекзат қарсыласын ауыр нокдаунқа түсірген болатын.
Айбек МҰХАНОВ,
Маңғыстау облысы, Ақтау қаласы
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
