Ақтауда самбо күресінен «Ер Қосай Құдайкеұлы» жүлдесіне арналған ХІІ республикалық турнир өтеді. Турнирге 2005-2006 және 2008-2009 жылы туған жасөспірімдер қатысады, - деп хабарлайды mangystaumedia.kz сайты.
Жарыс 28 - 30 мамыр күндері «Жас батыр» спорт мектебінде өтеді. Ұйымдастырушылардың айтуынша, турнир Халықаралық самбо федерациясының бекіткен ережесіне сай өтеді. Сонымен қатар санитарлық талаптарды сақталады және көрермендерсіз ұйымдастырылады.
Алдымен турнир басталмас бұрын салмақ бойынша жеребе тастау, спортшылардың салмағын өлшеуге арналады. Содан соң жарыстың бірінші күні 2005-2006 жылы туған жасөспірімдер ұлдар -38, -42, -46, -49, -53, -58, -64, -71, -79, 88, +88 келі салмақ дәрежесінде, ал қыздар -47, -59 келі бойынша сынға түседі. Екінші күні 2008-2009 жылы туған ұлдар -30, -32, -35, -38, -42, -46, -49, -53, -58,-64, +64 келі салмақ бойынша күреседі. Қыздар -30, -36 келі салмақ бойынша белдеседі.
Турнир барысындағы басшылықты Халықаралық самбо федерациясы ережесіне сай төрешілік тәжірибесі мол, Маңғыстау облысының дене шынықтыру және спорт басқармасы мен МО самбо федерациясы бекіткен төрешілер атқарады.
Жеңімпаздар арнайы диплом, кубокпен марапатталады.
Жұлдызай ҚАЛИЕВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
