Қоқыс тастаған 4 адам әкімшілік жауапкершілікке тартылды

Маңғыстау облысында белгіленбеген жерге қоқыс төгу фактісі бойынша 13 құқық бұзушылық анықталды, - деп хабарлайды mangystaumedia.kz сайты.

Маңғыстау облысы полиция департаментінің мәліметіне сүйенсек, ҚР ӘҚБтК-нің 505-бабына сәйкес, яғни қалалар мен елдi мекендер аумағындағы абаттандыру қағидаларын бұзу, сондай-ақ инфрақұрылым объектілерін бұзу, жасыл-желектерді жою және бүлдіру дерегі бойынша 9 әкімшілік хаттама толтырылды.

«Одан бөлек ортақ пайдаланатын орындарды, саябақтарды, скверлердi ластау, оның iшiнде белгiленбеген орындарға коммуналдық қалдықтарды тастаған 4 адам ҚР ӘҚБтК-нің 434-2-бабына сәйкес әкімшілік жауапкершілікке тартылды. Облыс тұрғындарынан қала көркіне зиян келтіретін құқық бұзушылықтың куәсі болсаңыз, тұрғылықты жер бойынша полиция бөліміне хабарласуды сұраймыз», - делінген МО Полиция департаменті парақшасында.

Айта кетейік, облыстық полиция департаменті 30 қыркүйектен бастап белгіленбеген жерге күл-қоқыс төгу фактілерін анықтау үшін рейд жүргізіп жатыр. Аталған жұмыстар 30 қазанға дейін жалғасады.

Жұлдызай ҚАЛИЕВА

Суреттер МО Полиция департментінен алынды

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.