Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгін Ақтауда алғашқы тематикалық саябақ ашылды, - деп хабарлайды mangystaumedia.kz сайты.
Саябақтың ашылу салтанатына Премьер-министр А.Мамин мен облыс әкімі С.Трұмов қатысты. Ақтау қаласынан 20 шақырым жерде орналасқан саябақта Орталық Азияда теңдесі жоқ BluPower, Watermania және Snorri сынды 30-дан астам аттракцион іске қосылған.
«Каспий теңізінің керемет көрінісіне шолу жасауға мүмкіндік беретін айналма дөңгелек, жылдам америкалық төбешіктер, Жалқау өзен толқындық бассейні және Water World аквааймағы балалар мен ересектер үшін тамаша көңіл-күйге толы ұмытылмас әсер сыйлайды»,- дейді жоба авторлары.
Аквааймағы таңғы 10.00-ден кешкі 17.30 дейін, ал аттракциондар аймағы 12.00-ден 22.00 дейін жұмыс істейді.
«TETYSBLU» жобасы Ақтау қаласынан 20 шақырым жерде Каспий теңізінің көркем жағалауында орналасқан және сәнді қонақ үйлерден, виллалар мен резиденциялардан бастап, ерекше аттракциондары бар тақырыптық паркке, сауда орталығына, гольф-клубқа және жағажай клубына дейін кең дамыған инфрақұрылымды қамтиды. 2020 жылы бес жұлдызды Rixos Water World Aktau қонақ үйінің ашылуымен жобаның бірінші кезеңі сәтті жүзеге асырылды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.