Баскетболдан "Каспий" әйелдер командасы алғаш рет Қазақстан чемпионатының алтын жүлдесін жеңіп алды, - деп хабарлайды mangystaumedia.kz сайты.
Баскетболдан әйелдер командалары арасындағы XXIX Қазақстан чемпионатының плей-офф қорытындысы бойынша финалдық кездесуде «Каспий» командасы түркістандық «Тұран» клубымен кездесті.
Баспасөз қызметінің айтуынша, финалдық ойында екі команда да тең ойнады. Алайда соңғы матчтың соңғы минуттарында есеп еселенді. Нәтижесінде маңғыстаулық «Каспий» командасы финалдық серияны 3:0 есебімен аяқтады.
Қазақстан чемпионаты маусымының нәтижесі бойынша турнирдің үздік 5 ойыншысы анықталды. Оның ішінде ақтаулық "Каспий" командасының ойыншысы Инга Манучарян да бар. Сонымен қатар "Каспийдің" қорғаушысы Елена Доц турнирде MVP атанды.
«Бұл барлық клуб үшін өте қиын маусым болды. Сақтық шараларын сақтау, карантин, тұрақты бақылау және шексіз ПТР. Баскетбол - байланысты талап ететін спорт түрі. Біздің қыздар жарақатына қарамастан мүмкіндіктер шегінде ойнады. Командадағы "ең жақсы ойыншы мынау" деп бөліп айта алмаймын. Сордықтан бұл - біздің ортақ нәтижеміз. Баскетболда "мен" жоқ, тек "біз" деген бар», - дейді команданың жаттықтырушысы Баграт Аракелян.
Айта кетейік, аталған әйелдер командасы осыдан 10 жыл бұрын жаттықтырушы Баграт Аракелянның келуімен құрылған. Содан бері үздіксіз дайындық жүргізіп келеді.
Баскетболдан әйелдер арасындағы Қазақстан чемпионатында 8 командасы сынға түсті. Команда жанкүйерлері "Каспий" ойыншыларына және жаттықтырушылары Баграт Аракелян мен Гамлет Аракелянды құттықтап, алғыс айтып жатыр.
Видео мен суреттер @bccaspiy парақшасынан алынды
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
