Футбол: «Каспий» жеңіске жетті

Кеше «Каспий» ФК өз алаңында талдықорғандық «Жетісу» командасын қабылдады. Ойында жергілікті команда 2:0 есебімен жеңіске жетті, - деп хабарлайды mangystaumedia.kz сайты.

Қарсылас қақпаға алғашқы голды «Каспий» құрамасынан Сали салды. Содан кейін Мингазов есепте еселеді. Ал «Жетісу» құрамасы бұл ойында есеп аша алмады.

«Осы маусымдағы алғашқы жеңіспен құттықтаймын. Былтыр біздің команда бастапқы 5 ойында жеңілген еді. Қазір 3 ойында 4 ұпайға ие болдық. Нәтиже қуантып отыр, сондықтан әрі қарай осы маусымда жақсы ойын көрсетуіміз керек. Жеңіс оңай болмады. Себебі ойыншыларымыз матчтың маңыздылығы үшін қобалжыды. Сондай-ақ ойында қателіктер де кездесті. Алдағы уақытта әр ойынның сегментін талдап, қателікті түзетіп, қорытынды шығарамыз», - дейді «Каспий» ФК бас бапкері Срджан Благоевич.

Сонымен қатар ол бапкерлер мен ойыншыларға, жанкүйерлерге алғысын айтты.

Жұлдызай ҚАЛИЕВА

Суреттер «Каспий» ФК-дан алынды

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.