Жаңаөзенде спорт кешені салынып жатыр

Жаңаөзен қаласындағы Ә.Тұяқов атындағы спорт кешенінің аумағында озық үлгідегі ерекше спорт нысанының құрылысы жүріп жатыр, деп хабарлайды mangystaumedia.kz сайты.

Спорт кешенінің аумағы 65х27метрді құрайды. Құрылыс жұмыстары қазан айына дейін жалғасады деп жоспарланып отыр. Салауатты өмір салтын насихаттау және балаларды спорт үйірмесімен қамту желісін кеңейту мақсатын көздейтін бұл жоба 200 баланы қамти алады.

Жаңа нысан пайдалануға берілсе, спортқа қызығушы жастар ауа-райының қолайсыздығына қарамастан ерекше ғимаратта емін-еркін жаттыға беретін болады. Спорт кешенінің ерекшелігі сол – оның төбесіндегі жабындысы жауын-шашын жауған сәтте немесе қыс мезгілінде автоматты түрде шұғыл жабылады.

Қазірдің өзінде Жаңаөзен жастарының спортқа қызығушылығы өте жоғары. Сондықтан заманауи спорт кешені олардың дүбірлі додаларда жеңіс тұғырына көтерілуіне мол мүмкіндік берері сөзсіз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.