Ақтауда сотқа арызданушылар саны азайған

2019 жылы Ақтау қалалық №2 соты 10 833 азаматтық істі аяқтады. 2018 жылмен салыстырғанда бұл көрсеткіш 51 пайызға азайған. Бұл туралы Ақтау қаласы №2 сотының төрағасы Рахымжан Бейсенов мәлімдеді, - деп хабарлайды mangystaumedia.kz сайты.

Сонымен қатар сотқа келіп түскен талап қою арыздары да 38 %-ға төмендеген.

«2019 жылы 2 395 сот бұйрығы шығарылды. 5 871 іс шешім шығарумен аяқталды, оның 46-ы сырттай шешім болса, 1 516 іс оңайтылған тәртіппен орындалған. Сондай-ақ былтыр қалалық №2 сотта 1 224 іс тоқтатылды. Атап айтқанда, татуластырумен 234 іс, медиация арқылы 763 іс, ал 5 іс партисипативтік келісімдермен тоқтатылған. 2018 жылмен салыстырғанда бұл көрсеткіш 75 %-ға азайып отыр», - деді Ақтау қаласы №2 сотының төрағасы Рахымжан Бейсенов.

Жұлдызай ҚАЛИЕВА

Суреттерді түсірген Талант ҚҰСАЙЫН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.