Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Ақтауда 27-29 маусым күндері полиция қызметкерлерінің қатысуымен "Түнгі қаладағы балалар" жедел профилактикалық іс-шарасы өтті. Үш күндік рейдте баспанадан тыс ата-ананың қарауынсыз жүрген 52 жасөспірім анықталды, - деп хабарлайды mangystaumedia.kz сайты.
Жасөспірімдердің ата-анасына ҚР ӘҚБтК-нің 442-бабы бойынша ескерту беріліп, әкімшілік хаттама толтырылды.
Ақтау қаласы полиция басқармасының мәлімдеуінше, қалада орналасқан 9 компьютерлік клуб пен теңіз жағалауында орналасқан кафе-барда жасөспірімдердің жұмыс істеп, ойын ойнап жатқаны анықталды.
"Ойын-сауық мекемелерінің әкімшілігіне ҚР ӘҚБтК-нің 132-бабы бойынша, яғни кәмелет жасқа толмаған жасөспірім балаларды ойын-сауық мекемесіне кіргізуіне жол бергені үшін әкімшілік хаттама жасақталып, айыппұл салынды. Сонымен қатар сағат 22:00-ден кейін аталған мекемелерге кірген балалардың ата-анасына 7 айлық көрсеткіш мөлшерінде айыппұл салынды. Профилактикалық сұхбат жүргізілді", - дейді Ақтау қаласы ПБ ЖПК ЮПБ бастығы полиция майоры Нұрлан Рахаев.
Сондай-ақ ҚР ӘҚБтК-нің 449-бабы бойынша ірі сауда орталықтарында қызмет ұсынып жүрген 9 жасөспірім анықталды. Олардың ата-анасымен сұхбат жүргізіліп, ескерту берілді.
Ал беймезгіл уақытта ішімдік сатқан 3 дүкен анықталды. Оларға ҚР ӘҚБтК-нің 200-бабы 3 бөлігімен сотқа жадығат жиналды.
Айта кетейік, аталған рейдке "Аmanat" жастар қанатының төрағасы Абзал Марат, облыстық жастар кеңесінің мүшелері мен еріктілер қатысты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.