Маңғыстаулық полицейлер жалған вакцинация паспорттарын сатқан сегіз адамды, оның ішінде дәрігерлер мен делдалдарды анықтады, деп хабарлайды mangystaumedia.kz.
Олар жалған құжатты 150-ден астам азаматқа сатқан.
6 қыркүйекте Маңғыстау облысы Полиция департаменті Криминалдық полиция басқармасының қызметкерлері жедел-іздестіру іс-шараларын жүргізу барысында жалған вакцинация паспорттарын нақты егу рәсімінен өтпей сатқаны үшін сегіз адамды, оның ішінде дәрігерлер мен делдалдарды анықтады. Белгілі болғандай, деректер базасында ресми тіркелген осы медициналық құжат үшін олар 30-50 мың теңге көлемінде ақша алған. Белгіленген тұлғалар 150-ден астам азаматқа паспорт бергендерін мойындады.
Аталған факті бойынша ҚР ҚК 385-бабының 2-бөлігі (бірнеше рет немесе адамдар тобы алдын ала сөз байласып жасаған жалған құжаттарды қолдан жасау, дайындау немесе өткізу) бойынша сотқа дейінгі тергеу басталды. Қазіргі уақытта тергеу амалдары жалғасуда, делінген МО полиция департаментінің баспасөз қызметі таратқан ақпаратта.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
