Түркия Республикасының Ақтау қаласындағы Бас консулдығы еліміздің батыс аймағына, атап айтсақ, Маңғыстау, Атырау, Ақтөбе және Батыс Қазақстан облыстарына ортақ. Биыл осы өңірлерден 29 түлек Түркия Республикасындағы жоғары оқу орындарына грантпен оқуға түсті. Жақында оқуға аттанғалы тұрған студенттерді қабылдаған Бас консул Мұзаффер Ақйылдырым қазақ жастарының Түркияда білім алуға деген қызығушылығы жылдан жылға артып келе жатқанын атап өтті.
- Бас консулдығымыздың консулдық өңірлері болып табылатын төрт облыстан түрікше үйрену және университеттерде жоғары білім мен магистратураға грантқа немесе жекелей оқуға түсуге келіп түсіп жатқан өтініштерінің, магистратураға грантпен оқуға немесе өздігінен оқуға түсуге деген қызығушылығының артқанын қуанышпен атап өткіміз келеді, - деді студенттерді құттықтаған Бас консул. - Биыл шетелдегі түріктер және туысқан халықтар жөніндегі басқарма тарапынан берілген «Türkiye Bursları» гранттық бағдарламасына (www.turkishscholarship.gov.tr) қатысушылар саны артта түсті. 2021 жылы Бас консулдық тарапынан 29 адамға оқу гранты визасы және 80 адамға тіл үйрену визасы беріліп отыр. Сонымен қатар, Түркия Дін істері қорының теология университеттерінің, имам Хатип лицейлерінің де гранттарын алу мүмкіндігі бар. Бұл жаңалық екі ел арасындағы ежелгі достығымыздың, бауырластығымыздың және білім беру саласындағы ынтымақтастығымыздың бір көрінісі болып табылады. Қазақ студенттеріне оқуда озат және екі ел арасындағы достығымыздың мәңгі болуын тілеймін.
Валентина ҚОЗЫБАҚОВА
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
