Жақында өткен «Дәрмек-2021» республикалық жедел-профилактикалық іс-шарасын өткізу аясында Маңғыстау полицейлері алты күн ішінде есірткі құралдарының, психотроптық заттар мен прекурсорлардың заңсыз айналымына қатысты 20 есірткі қылмысын анықтады, деп хабарлайды mangystaumedia.kz.
Шара барысында алты қылмыстық құқық бұзушылық анықталды: Оның екі дерегі ҚР ҚК 297-бабы 1-бөлігі бойынша, төрт дерегі Қылмыстық кодекстің 296-бабы бойынша 4-бөлігі бойынша. Сондай-ақ, өткізу мақсатынсыз есірткі заттарын сақтаумен байланысты ҚР ҚК 296-бабы 2-3-бөлігі бойынша 14 қылмыстық есірткі сатылғаны анықталды.
Әкімшілік құқық бұзушылық туралы жеті хаттама жасалды:
Заңсыз айналымнан 1 келі 748 грамм түрлі есірткі құралдары алынды, оның ішінде 1 келі 660 грамм “марихуана” және 88 грамм синтетикалық есірткі (“мефедрон”, “Альфа PVP” және басқа аналогтар).
Мәселен, 6 қыркүйек күні МО Полиция департаментінің қызметкерлері жедел-іздестіру шараларын жүргізу барысында Өзбекстанның азаматтарын ұстады. Тінту кезінде олардан жалпы салмағы 50 грамм 30 дана болатын полиэтилен пакеттерге салынған мефедрон есірткі заты табылып, тәркіленді. Аталған факті бойынша ҚР ҚК 296-бабының 4-бөлігі бойынша сотқа дейінгі тергеу басталды. Өзге ақпарат тергеу мүддесінде жария етілмейді.
Тиісті сараптама тағайындалды. Қылмыстық іс бойынша тергеу жалғасуда және кінәлілерге қатысты олардың кінәсінің дәрежесін анықтай отырып, түпкілікті шешім оның нәтижелері бойынша қабылданады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
