Ақтаудағы балабақша «Республиканың үздік балабақшасы – 2020» атанды

Ақтаудағы №46 «Балбұлақ» балабақшасы «Республиканың үздік балабақшасы - 2020» атты республикалық байқауынан I орын алды, - деп хабарлайды mangystaumedia.kz сайты.

2020 жылы 9 желтоқсан күні басталған сайыс онлайн өткен болатын. Алғашқы кезеңге 100-ге жуық мемлекеттік бөбекжай, жекеменшік балабақша, шағын орталық қатысқан. Ал екінші кезеңге іріктеуден 26 мекеме өтеді.

«Аталмыш байқауға №46 «Балбұлақ» балабақшасы МКҚК соңғы 3 жылдық жетістіктері бойынша деректі фильм ұсынды. «2021-2023 жылдарға арналған балабақшаның даму стратегиясын» қоса жолдадық»,-дейді директор Айгүл Иманалиева.

Нәтижесінде Нұр-Сұлтан қалалық білім беру мекемелері басшылары қауымдастығының шешімімен «Қазақстан Республикасының Үздік мемлекеттік балабақшасы» номинациясы бойынша жүлделі I орынды «№46 «Балбұлақ» балабақшасы алып, үздіктердің көшін бастады.

Айта кетейік, 27 шағынауданда орналасқан №46 «Балбұлақ» балабақшасы 1986 жылы ашылған. Қазір мұнда 301 бүлдіршін бар.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.