Бүгін Маңғыстау облысында бір үйдің екі баласы тереңдігі 1 метр шұңқырдағы суға батып кетті, деп хабарлайды mangystaumedia.kz.
Қайғылы жағдай Мұнайлы ауданындағы Батыр ауылында болған. Жеке тұрғынүйдің ауласында дәретхана үшін қазылған шұңқыр нөсер жаңбырдан соң суға толып кеткен. Ата-әжесінің үйіне келе жатқан 10 жасар ер бала және 14 жасар қыз бала байқаусызда әлгі шұңқырға құлап, шыға алмай қалған.
Төтенше жағдайлар департаменті тұрғындардан балаларды қараусыз қалдырмауды және құдық немесе қазылған шұңқыр беттерін ашық қалдырмауды сұрайды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
