Сайын Шапағатов ауылында мектеп салынады

Сайын Шапағатов ауылдық округінде 1200 орындық мектептің құрылысы басталады, - деп хабарлайды mangystaumedia.kz сайты облыстық Қоғамдық коммуникация орталығына сілтеме жасап.

Сайын Шапағатов ауылдық округінің әкімі Сайран Қылыштың айтуынша, аталған елді мекенде халық санының көп болуына байланысты білім ошағы аздық етуде. Сондықтан 1200 орындық мектеп салу жоспарланған. Білім ошағының құрылысы екі жыл ішінде аяқталуы тиіс.

- Мектеп құрылысы алдағы бір айдың ішінде басталады. Білім ошағы салынған соң ең алдымен ішкі тасымал мәселесін шешеміз. Мектеп құрылысы ауылымыздың 6 квартал аумағында жүретін болады. Құрылысқа берілген жалпы жер көлемі 3,8 гектар, ал мектеп 15 124 шаршы метр. Қазір мердігер мекеме мектептің іргетасын құю үшін негізін дайындап жатыр, - деді Сайран Қылыш.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.