Қазақстанда ертеңнен бастап ПТР-тест пен вакцинация паспорты талабы алынады

8 маусымнан бастап Қазақстан азаматтары мен шетелдіктер үшін шекарадан өту кезінде вакцинация мен ПТР-тестті растау бойынша талаптар жойылады. Мұндай шешімді коронавирусты таратпау жөніндегі ведомствоаралық комиссия қабылдады, - деп хабарлайды mangystaumedia.kz Tengrinews.kz-ке сілтеме жасап.

Ведомствоаралық комиссия мына талаптардың күшін жою туралы шешім қабылдады:

- 2022 жылғы 8 маусымнан бастап Қазақстан Республикасының азаматтары мен шетелдіктер үшін COVID-19-ға қарсы вакцинация немесе ревакцинация растауын (COVID-19-ға қарсы вакцинация туралы паспортты/сертификатты/анықтаманы), ал олар болмаған кезде Қазақстан Республикасының мемлекеттік шекарасын кесіп өткен кезде ПТР әдісімен COVID-19-ға қарсы сынаманың теріс нәтижесі бар анықтаманы ұсыну туралы міндетті талап.

- еліміздің жеті өңіріндегі мемлекеттік шекараның жекелеген учаскелерінде уақытша жабылған 12 көлік өткізу пунктінің жұмысына тыйым салу.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.