Баутин ауылының әкімі есеп берді

Бүгін Баутин ауылы әкімінің ауылдың әлеуметтік-экономикалық дамуы бойынша 2019 жылы атқарған жұмыстарының есебі тыңдалды. Бұл туралы Түпқараған ауданы әкімдігінің баспасөз қызметі хабарлады.

Есеп беру кездесуіне Түпқараған ауданының әкімі Қосуақов Айбек Қосуақұлы мен "Маңғыстау облысының жер қатынастары басқармасы" мемлекеттік мекемесінің басшысы Дүзмағамбетов Есенмұрат Дәулетиярұлы қатысты. Тұрғындар көкейінде жүрген мәселелерін көтеріп, сұрақтар қойып, бірнеше ұсыныстар жолдады.

Баутин ауылында соңғы санақ қорытындысы бойынша 4 154 халық тұрады. Үй саны 838. 54 «Алтын алқа» иегері, 52 «Күміс алқа» иегерлері, 28 тыл ардагері бар. Ауылда 54 бизнес объектілері бар. Жыл басынан бері ауылда 27 неке тіркеліп, 124 бала дүниеге келген, ана мен бала өлімі тіркелмеген.

Ауылда 34 азық-түлік дүкен жұмыс жасайды. Баға тұрақтылығын қамтамасыз ету бағытында тағам бағаларына әр аптаның сәрсенбі күндері мониторинг жүргізіліп отырады. Ауыл тұрғындары үшін жеке кәсіпкерлердің сауда дүкендерінің ішінен төлемдердің бірнеше түрін жүргізуге арналған 7 терминалдар қойылған. 2019 жылы 1дәріхана және Баутин дәрігерлік амбулаториясының ғимараты ішінен «Ана мен бала» бөлмесі ашылып, ашылып,тұрғындарға қызмет көрсетуде. Сонымен қатар НКОК Н.В. компаниясының демеушілігімен Баутин ауылындағы Ж.Мыңбаев мектеп-гимназиясының жанындағы ашық спорт алаңы күрделі жөндеуден өткізіліп, 16 желтоқсан Қазақстан Республикасының Тәуелсіздік күні қарсаңында пайдалануға берілді.

Жыл ішінде ауыл бойынша 155 ит атылып, тиісті орынға жеткізіліп, жойылды. Қазіргі таңда ауылда 836 үй газ отынымен және электр энергиясымен қамтылған. Сонымен қатар осы жылы Баутин ауылы және Аташ елді мекенінде орталықтандырылған су құбыры 65%-ға іске қосылып, 2020 жылға толықтай су құбырын тарту жұмысы жоспарлануда. Ауылдағы үйлер ғаламтор желісі мен сандық жерсеріктік телеарнаға қосылуы толығымен қамтамасыз етілген. Көше жарықтарына биыл 15 млн теңге қаражат бөлініп, Түпқараған электр жүйесімен келісім шарт жасақталып, қаражат игерілген.

Маңғыстау Медиа

Редакциялық пікір мақала авторлары мен оқырмандардың пікірлерімен сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты / Мнение редакции может не совпадать с мнением авторов статей и читателей. Ответственность за достоверность изложенной в статьях и комментариях информации несут авторы.