2021 жылы «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы» аясында Түпқараған ауданы бойынша 55 адамға 200 АЕК көлемінде қайтарымсыз грант берілді.
Кәсіп бастауға берілген қайтарымсыз грант иегерлерінің ішінде 29 жасқа дейінгі жастар грант иегерлерінің тең жартысына жуық көлемді құраса, 30% астамы көп балалы аналар. Бұған қоса, грант иегерлері қатарында мүмкіндігі шектеулі азаматтар да бар. Олар «Бастау бизнес» жобасына қатысып, грант алғандар мен қысқа мерзімді кәсіптік оқуды аяқтап, грант иеленгендер.
- Мемлекеттік гранттар бастапқы бизнесті іске асыруды жоспарлайтын бағдарламаға қатысушыларға өтеусіз және қайтарымсыз негізде беріледі. Кәсіпкерлік мақсатта берілетін қайтармсыз гранттар «Нәтижелі жұмыспен қамту және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында – 200 АЕК, яғни 2021 жылғы көрсеткіш бойынша 583 400 теңге ұсынылады. «Еңбек» мемлекеттік бағдарламасы аясындағы грант қаражаттары бұрын мемлекеттік бағдарламалар шеңберінде грант алмаған бағдарламаға қатысушылар, оның ішінде жастар, көпбалалы және табысы аз отбасылардың мүшелері, еңбек етуге қабілетті мүгедектер, сондай-ақ қоныс аударушылар мемлекеттік гранттар алуға үміткер бола алады. Өткен жылғы грант иегерлері қатарының басым көпшілігі Форт-Шевченко, Ақшұқыр және Сайын Шапағатов елді мекендерінің тұрғындары. Олар қызмет көрсету, мал шаруашылығы, құс шаруашылығы, гидропоника сияқты салаларда кәсіптерін бастады,- деді Түпқараған ауданы әкімдігі халықты жұмыспен қамту орталығының басшысы Римма Жақсылық.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
